ქართველი სუმოისტი, ლევან გორგაძე, იგივე ტოჩინოშინი, იმპერატორის თასის მფლობელი გახდა. ქართველი სპორტსმენს წარმატება მიულოცეს კულტურისა და სპორტის სამინისტრომ და საქართველოს პრემიერ-მინისტრმა.

"ტოჩინოშინმა დღეს მე-13 გამარჯვება მოიპოვა და შეჯიბრების დასრულებამდე ერთი ტურით ადრე იმპერატორის თასის მფლობელი გახდა. ლევან გორგაძე პირველი ქართველი და მხოლოდ მესამე ევროპელია, რომელმაც უპრესტიჟულეს იმპერატორის თასზე ჩემპიონობა შეძლო", - წერია სპორტისა და კულტურის სამინისტროს ვებგვერდზე.