თბილისის საბავშვო ბაგა-ბაღების მართვის სააგენტოს განცხადებით, სამ ბაღში შენობის ავარიულობის გამო სასწავლო პროცესი შეწყდა.

როგორც სააგენტოს განცხადებაშია ნათქვამი, მონიტორინგი დაიწყო და ყველა შენობის კონსტრუქციული მდგომარეობა შეისწავლა, გარდა ბოლო ოთხი წლის განმავლობაში აშენებული ბაღებისა.

სააგენტოს განმარტებით, სამხარაულის ექსპერტიზის დასკვნით, მე-19, 84-ე და 125-ე ბაგა-ბაღებში შენობის ამჟამინდელი ტექნიკური მდგომარეობა არადამაკმაყოფილებელია. 29 იანვრიდან აღნიშნული ბაღების აღსაზრდელები რაიონში არსებულ სხვა ბაღებში გადანაწილდებიან, პარალელურად კი სარეკონსტრუქციო სამუშაოები დაიწყება.