70 წლის პოპულარული მომღერალი, ელტონ ჯონი მუსიკალურ კარიერას ასრულებს. მომღერალს პრესკონფერენცია აქვს დაგეგმილი, რომელზეც სამომავლო გეგმებზე გააკეთებს განცხადებას. სავარაუდოდ, მომღერალი ბოლო მსოფლიო ტურნეს დააანონსებს, ამის შესახებ BBC, Mirror-ზე დაყრდნობით წერს.

გამოცემის ინფორმაციით, მომღერლის პრესსამსახურში დეტალებს არ აზუსტებენ, თუმცა, ცნობილია რომ ელტონ ჯონს რამდენიმეჯერ მოუწია კონცერტების გადადება ჯანმრთელობის პრობლემების გამო. მიუხედავად ამისა, 2017 წელს მან 87 კონცერტი გამართა. უახლოეს მომავალში კი არაერთი კონცერტი აქვს დაგეგმილი.

ელტონ ჯონის კონცერტი დაგეგმილია საქართველოშიც. 2017 წლის ტურნეს - Wonderful Crazy Night Tour-ის ფარგლებში მას, საქართველოში 16 სექტემბერს ელოდებოდნენ. თუმცა კონცერტი გადაიდო. Solo-ს ინფორმაციით კონცერტი 2018 წლის 30 ივნისსა და 1-ლ ივლისს ჩატარდება.