ტელეკომპანია რუსთავი 2-ის ინფორმაციით, თეთრი ხმაურის მოძრაობის ლიდერი, ბექა წიქარიშვილი და მსახიობი თორნიკე ბზიავა თბილისის საქალაქო შენობასთან დააკავეს. არხის ჟურნალისტმა პირდაპირ ეთერში განაცხადა, რომ წიქარიშვილმა სასამართლოს შენობის კარს აგური ესროლა და მინა ჩაამსხვრია.

"ჭიშკრის იქით ვიჯექით, მოვიდნენ მოგვათრიეს აქ და თორნიკე [ბზიავა] შეიყვანეს. არ ვიცი შეურაცხყოფა მიაყენაო და არ ვიცი ვის მიაყენა შეურაცხყოფა", - განუცხადა რუსთავი 2-ს მსახიობმა კახა კინწურაშვილმა.

შემთხვევა თბილისის საქალაქო სასამართლოსთან მას შემდეგ მოხდა, რაც სასამართლოში გიორგი გიორგანაშვილს, იგივე ბახალას 8-წლიანი პატიმრობა მიესაჯა.

"სარეზოლუციო ნაწილის გამოცხადების შემდეგ, სხდომაზე დამსწრე ორმა პირმა დაარღვია წესრიგი, კერძოდ სასამართლოს ეზოში გასვლის შემდეგ, ერთ-ერთი მათგანი სიტყვიერ შეურაცხყოფას აყენებდა სასამართლოს, ხოლო მეორემ შენობის მიმართულებით ისროლა აგური, რის შედეგადაც ჩაიმსხვრა ცენტრალური შემოსასვლელის მინა. სასამართლო მანდატურის სამსახურმა აღკვეთა ქმედება და წესრიგის დაცვის მიზნით ორივე მათგანი დააკავა", - აღნიშნულია სასამართლოს მიერ გავრცელებულ განცხადებაში.