საქართველოს ექს-პრეზიდენტი და უკრაინის ოპოზიციური პარტიის ლიდერი, მიხეილ სააკაშვილი უკრაინის მომავალზე 7 ნაწილიან ფილმს იღებს. საკუთარ ფეისბუკ გვერდზე ის სამუშაო ვერსიებს აქვეყნებს. ერთ-ერთ საიმიჯო ვიდეოში, სააკაშვილი უკრაინის ტურისტულ პოტენციალზე ამახვილებს ყურადღებას.

ის უკრაინის ერთ-ერთ სანაპიროზე საუბრობს და ამბობს, რომ ეს ახალი ანტალიაა და ის ანტალიაზეც უკეთესია:

"ეს არის უკრაინული მარბელია. ეს უკრაინული ანტალიაა, ანტალია ასე იწყებდა. აქ უფრო მაგარია, ვიდრე ანტალიაში. უბრალოდ, ინფრასტრუქტურის განვითარება უნდა დავიწყოთ: გადასარევი სანაპიროების, რომლებიც ვენახებითაა გარშემორტყმული, შესანიშნავი ღვინით. ის მხოლოდ საათ-ნახევრის სავალზეა შესანიშნავი, გასაოცარი ოდესიდან. რაც არ უნდა თქვათ, ეს რაღაც არის. შეხედეთ - სივრცე და თავისუფლება. ეს სილამაზეა, ეს სასწაულია, ეს რაღაც არის, ხალხო..."

სააკაშვილის თქმით, უკრაინას ტურიზმის ფანტასტიკური შესაძლებლობები აქვს და საჭიროა ქვეყნის გეოგრაფიის გადააზრება. მიხეილ სააკაშვილი ასახელებს ადგილებს, რომელიც ტურისტულ სივრცეებად შეიძლება იქცეს. მისი აზრით ზაკარპატიის ოლქი იმდენად მნიშვნელოვანი ტურისტული ადგილია, რომ ათი ბორჯომის კურორტს დაიტევს.

სრული ვიდეო: