თბილისის მერიის განცხადებით, ერთიანი ეროვნული გამოცდების დაწყებასთან დაკავშირებით, შეუფერხებელი და დროული გადაადგილების მიზნით, 1 ივლისიდან 22 ივლისის ჩათვლით, საგამოცდო ცენტრების მიმართულებით მუნიციპალური ავტობუსების დამატებითი მარშრუტები დაინიშნა.

კერძოდ, ავტობუსები იმოძრავებენ მეტროსადგურ ახმეტელის თეატრიდან გლდანის დასახლებაში არსებული № 39, 173-ე და 177-ე საჯარო სკოლების მიმართულებით, ასევე მეტროსადგურ ახმეტელის თეატრიდან (მუხიანის მხრიდან) მუხიანის დასახლების №175-ე საჯარო სკოლის მიმართულებით. მ/ს ვარკეთილიდან მე-3 მასივში არსებულ №117-ე საჯარო სკოლამდე. მერიის განცხადებით, მგზავრობის საფასური უცვლელი დარჩება.