ბრიტანელი წითური მომღერალი, ედ შირანი, და მისი შეყვარებული ჩერი სიბორნი ქორწინდებიან. უფრო ზუსტად რომ ვთქვათ, წყვილი 2017 წელს დაინიშნა, თუმცა ედმა ამის შესახებ მხოლოდ დღეს გვამცნო.

შირანმა და სიბორნმა ერთმანეთი ჯერ კიდევ სკოლაში გაიცნეს, თუმცა ერთმანეთს 2015 წელს დაუბრუნდნენ, როცა ჩერი ნიუ-იორკში მუშაობდა. სიბორნი ჰოკეის პროფეიონალი მოთამაშეა.

"ახალ წლამდე ჩემს თავს საცოლე "ვუპოვნე". ჩვენ სიყვარულით ვართ სავსენი და ძალიან ბედნიერები ვართ, ისევე, როგორც ჩვენი კატები" - დაწერა მუსიკოსმა ინსტაგრამზე.

სწორეს სიბორნს ეძღვნება შირანის ბოლო ჰიტი, Perfect. შირანის თქმით, მას სურდა ეს სიმღერა მისი კარიერის საუკეთესო სასიყვარულო ბალადა ყოფილიყო და სჯერა, რომ ეს გამოუვიდა კიდეც.