ნიუ-იორკში Trump Tower-ის სახურავზე ცეცხლი გაჩნდა.

მანჰეტენზე მდებარე ცათამბჯენში სახანძო-სამაშველო ჯგუფები ადგილობრივი დროით 7:20 საათზე გამოიძახეს. ოფიციალური ინფორმაციით, ცეცხლი შენობის გამაგრილებელ სისტემას გაუჩნდა. ამ ეტაპზე ხანძარი ლიკვიდირებულია.

ინციდენტის შედეგად არავინ დაშავებულა. გამომძიებლები ხანძრის გამომწვევ მიზეზებს ადგენენ.

მიუხედავად იმისა, რომ პრეზიდენტი ტრამპი და პირველი ოჯახი თეთრ სახლში ცხოვრობს, თაუერის 58-ე სართულზე მდებარე აპარტამენტი ისევ მათ საკუთრებაშია. ინციდენტის დროს პრეზიდენტი ვაშინგტონში იმყოფებოდა.