ავსტრალიის მთავრობა აცხადებს, რომ სამედიცინო კანაფის ექსპორტით მსოფლიო ლიდერობა სურს.

BBC-ის ცნობით, ქვეყანა რეგულაციების შეცვლას და კანადასა და ნიდერლანდებთან ერთად საერთაშორისო ბაზარზე გასვლას აპირებს. მსგავსი გეგმები აქვთ ურუგვაისა და ისრაელსაც.

ავსტრალიაში სამედიცინო კანაფის მოხმარება ლეგალური 2016 წელს გახდა, თუმცა რეკრეაციული მიზნით მისი მოხმარება ისევ არალეგალურია.

"ჩვენი მიზანი ცალსახაა: მივცეთ ავსტრალიელ ფერმერებსა და მეწარმეებს შანსი, გახდნენ სამედიცინო კანაფის მსოფლიოში ნომერ პირველი ექსპორტიორები", - განაცხადა ავსტრალიის ჯანდაცვის მინისტრმა. მისივე თქმით, ცვლილება ადგილობრივ ინდუსტრიას სტიმულს მისცემს, რაც ავსტრალიელ პაციენტებსა და ბიზნესს დიდ სარგებელს მოუტანს.

ამ კვირაში, კალიფორნია გახდა აშშ-ის უდიდესი შტატი, სადაც რეკრეაციული კანაფის მოხმარება ლეგალური გახდა.