სტამბოლში, ათათურქის აეროპორტში მომხდარი ტერაქტის შედეგად გარდაცვლილთა რიცხვი 41-მდე, დაშავებულთა რიცხვი კი 239-მდე გაიზარდა. ამის შესახებ ინფორმაციას Reuters ავრცელებს.

გარდაცვლილთა შორის 5 საუდის არაბეთის, 2 კი ერაყის მოქალაქეა. გარდა ამისა გარდაცვლილები არიან ჩინეთის, იორდანიის, ტუნისის, უზბეკეთის, ირანისა და უკრაინის მოქალაქეები.

როგორც დღეს თურქეთში საქართველოს ელჩმა განაცხადა, გარდაცვლილებსა და დაშავებულებს შორის საქართველოს მოქალაქეები არ არიან.

როიტერის ცნობით, ვიდეო მასალის შესწავლისა და თვითმხილველების დაკითხვის შედეგად, თურქი გამომძიებლები ამბობენ, რომ 3-მა ეჭვმიტანილმა პირმა, რომელიც სავარაუდოდ ISIS-ის წევრები იყვნენნ, ცეცხლი გახსნეს და თავი აიფეთქეს.

აღსანიშნავია, რომ გუშინ მომხდარი ტერაქტს ყველაზე დიდი ადამიანური მსხვერპლი მოჰყვა თურქეთში წელს განხორციელებულ თავდასხმებს შორის.

ათათურქის სახელობის აეროპორტში მომხდარ აფეთქებასთან დაკავშირებით საქართველოს გენერალურ საკონსულოში მოქმედებს ცხელი ხაზი: (+90 541) 818 44 00.

სტამბოლში საქართველოს გენერალური საკონსულო მუდმივ კავშირზეა თურქეთის საგანგებო სიტუაციებზე პირველადი რეაგირების ჯგუფთან.

28 ივნისს, ღამით, სტამბოლის ათათურქის სახელობის აეროპორტში, აფეთქებას სულ 41 ადამიანი ემსხვერპლა 239 კი დაშავებულია. მომხდარზე ჯერჯერობით არცერთ ტერორისტულ დაჯგუფებას არ აუღია პასუხისმგებლობა.