საშობაო ბაზრობაზე საახალწლო ნაძვის ხეების გვერდით დამწვარ ნაძვის ხეებსაც იხილავთ

23 დეკემბრიან 30 დეკემბრის ჩათვლით სპორტის სასახლესთან ბორჯომიდან ჩამოტანილი დამწვარი ნაძვის ხეები იქნება გამოფენილი.

ეს არის კრეატიული სააგენტო ლივინგსტონისა და ტრიპექსის სოციალური აქცია, რომელიც ბორჯომის დამწვარი ტყეპარკის აღდგენის მიზანს ატარებს.

სტიქია, რომელიც ამ ზაფხულს ქართულ ტყეებს დაატყდა თავს და 1000-მდე ჰექტარი გაანადგურა. აქციის ინიციატირების განცხადებით, პრობლემამ აქტუალურობა დაკარგა, თუმცა მის მოსაგვარებლად საზოგადოების ჩართვა კვლავ მნიშვნელოვანია.

"ამ ახალ წელს ლამაზი ნაძვის სახლში დადგმასთან ერთად, ერთი ნამდვილი ხეც დავრგოთ იქ, სადაც ყველაზე მეტად გვჭირდება", - ნათქვამია სოციალური აქციის ინიციატორების განცხადებაში.

კამპანიის ფარგლებში შეიქმნა სპეციალური ვებ საიტი - borjomistvis.ge, სადაინაც ხეების დარგვა არის შესაძლებელი: "მაუსის ორი დაწკაპუნებით შესაძლებელია დარგო ნაძვის ხე ბორჯომის ხეობაში და აჩუქო ის მეგობარს, ოჯახს ან საკუთარ თავს".

ბოლო ამბები:

გირჩევთ