ქედისა და შუახევის რაიონებში მეწყერის შედეგად ოთხი სოფელი და 350-მდე ოჯახი გარესამყაროსაა მოწყვეტილი. მათ ელექტრო ენერგიაც არ მიეწოდებათ. ამის შესახებ მუნიციპალიტეტის გამგებელი აცხადებს.

ადიდებულმა წყალმა ხიდები წაიღო. შუახევის მუნიციპალიტეტმა უსაფრთხო ადგილას გადაიყვანა 10 ოჯახი, რომელთა ეზოებიც მეწყერმა დაფარა.

შუახევის მუნიციპალიტეტის გამგებელი ტარიელ ებრალიძე აცხადებს, რომ გამგეობა გაწმენდითი სამუშაოების ჩასატარებლად მობილიზებულია.

უხვი ნალექისგან ადიდებულია მდინარე გუთნისწყალი.