მთაწმინდის პარკში ე.წ. ეშმაკის ბორბლის დემონტაჟისას ერთი მუშა გარდაიცვალა, ხოლო მეორე დაშავდა. ამის შესახებ On.ge-ს შინაგან საქმეთა სამინისტროში დაუდასტურეს.

როგორც პარკის დირექტორმა, გელა დიღმელაშვილმა რუსთავი 2-ს უთხრა, დემონტაჟის სამუშაოებს კომპანია კანო ატარებდა.

შსს-ს თქმით, გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.