რამდენიმე დღის წინ, კომპანია Aurora Flight Sciences-მა, ვირჯინიაში, საზღვაო ქვეითების ბაზაზე, ახალი ტექნოლოგია წარადგინა. კომპანიის შექმნილი მართვის ავტონომიური სისტემის საშუალებით, UH-1H ვერტმფრენმა მისია წარმატებით შეასრულა. ის A პუნქტიდან აფრინდა და B პუნქტში ტვირთი მიიტანა, მას ორი ადამიანი ტაბლეტით მიწიდან მართავდა.

კამერებითა და სინათლის რადარით აღჭურვილი ვერტმფრენი თითქმის სრულად ავტონომიურია, განსხვავებით სხვა სამხედრო დრონებისგან, რომლებსაც პილოტები მისიის დაწყებიდან დასრულებამდე მართავენ. ამ შემთხვევაში ვერტმფრენს მხოლოდ აფრენაში დაეხმარნენ, ხოლო დანარჩენი უკვე თვითონ სისტემამ გააკეთა - თავად შეარჩია მარშრუტი, განსაზღვრა დაბრკოლებები და საუკეთესო დასაჯდომი ადგილიც გამოთვალა.

Aurora ერთ-ერთი კომპანიაა, რომელიც Uber-ს საჰაერო ტაქსების შექმნაში ეხმარება.