საქართველოს მთავრობამ საქართველოს პრეზიდენტს ენერგეტიკისა და წყალმომარაგების კომისიის წევრის ვაკანტურ თანამდებობაზე თბილისის ყოფილი მერის, დავით ნარმანიას დასახელება სთხოვა. პრეზიდენტმა მთავრობის თხოვნა გაითვალისწინა. ინფორმაციას ამის შესახებ პრეზიდენტის პრესსამსახური ავრცელებს.

უწყების ინფორმაციით, პრეზიდენტმა სემეკის სამ ვაკანტურ თანამდებობაზე კიდევ ორი კანდიდატი მაია მელიქიძე და გოჩა შონია წარადგინა. მათგან მელიქიძის კანდიდატურა უკვე დამტკიცდა.

ენერგეტიკისა და წყალმომარაგების მარეგულირებელი კომისიის წევრის კანდიდატებს საქართველოს პრეზიდენტი მთავრობასთან ათანხმებს, შემდეგ კი პარლამენტი უყრის კენჭს.