სამხედრო სავალდებულო სამსახურის შესრულების დროს ერთმა პირმა ციხის საგუშაგო სამსახურის იარაღით მიატოვა და მიიმალა. სასჯელაღსრულებისა და პრობაციის სამინისტროში აცხადებენ, რომ პირს სამხედრო სავალდებულო სამსახურისთვის თავის არიდება უნდოდა. ბრალის დამტკიცების შემთხვევაში მას 5-დან 10 წლამდე პატიმრობა ემუქრება.

უწყებაში აღნიშნავენ, რომ შემთხვევა 5 დეკემბერს მოხდა და გაქცეული გუშაგი იმავე დღეს დააკავეს, აღკვეთის ღონისძიებად პატიმრობა კი 7 დეკემბერს შეეფარდა.

საქმეზე გამოძიება სისხლის სამართლის კოდექსის 236-ე მუხლის მესამე ნაწილითა და 389-ე მუხლის მეორე ნაწილის "ა" ქვეპუნქტით მიმდინარეობს.

  • 236-ე მუხლის მესამე ნაწილით, ცეცხლსასროლი იარაღის მართლსაწინააღმდეგო ტარება ისჯება თავისუფლების აღკვეთით ვადით ოთხიდან ექვს წლამდე;
  • 389-ე მუხლის მეორე ნაწილის "ა" ქვეპუნქტით, სამხედრო სარეზერვო სამსახურის მოსამსახურის მიერ სამხედრო ნაწილის ან სხვა ადგილის თვითნებურად დატოვება სამხედრო ან სამხედრო სარეზერვო სამსახურისთვის თავის არიდების მიზნით ანდა ამავე მიზნით სამსახურში გამოუცხადებლობა ისჯება თავისუფლების აღკვეთით ვადით ხუთიდან ათ წლამდე.

პირი, რომლის მიმართაც სისხლის სამართლის საქმეა აღძრული სამხედროდ 2017 წლის 26 ივნისიდან ირიცხება.