1,109 კარატიანი ალმასის ლონდონში, სოთბის აუქციონზე გატანა ოთხშაბათს იგეგმება. ის არის ყველაზე დიდი დაუჭრელი ალმასი მსოფლიოში და ასევე სიდიდით რიგით მეორე, რაც კი ოდესმე მოუპოვებიათ.

CNN-ის ინფორმაციით, ალმასის გაყიდვა ემთხვევა „ბრექსითის“ გამო ფუნტის 10%-ით გაუფასურებას. სოტბის აუქციონი ლონდონის დროით 16:30 საათზე გაიმართება.

ალმასი ბოტსვანაში 2015 წლის ნოემბერში აღმოაჩინეს. მას Lesedi La Rona დაარქვეს, რაც ბოტსვანურად ჩვენს სინათლეს ნიშნავს.

ალმასი, რომელიც სოთბიზე ხვალ განთავსდება, სიდიდით ჩამოუვარდება 1905 წელს აფრიკაში აღმოჩენილ 3,106 კარატიანი ალმასს. „აფრიკის პირველი ვარსვლავის“ ჩამონაჭერი დღეს ბრიტანეთის სამეფო ოჯახის გვირგვინის ნაწილია.