Netflix-მა ცოტა ხნის წინ ოფიციალურად დააანონსა, რომ Black Mirror-ის მეოთხე სეზონის პრემიერა 2017 წლის 29 დეკემბერს შედგება.

წინა სეზონის მსგავსად, ახალ ნაწილშიც ექვსი სერიაა და ერთ-ერთი მათგანის რეჟისორი ჯოდი ფოსტერი იქნება.

როგორც შოუს შემქმნელები ამბობენ, მეოთხე სეზონი სერიალის ისტორიაში ერთ-ერთი ყველაზე დასამახსოვრებელი და საინტერესო იქნება.

რაც შეეხებათ სერიებს.

პირველი ეპიზოდი - CROCODILE

პირველი ეპიზოდი ისლანდიაში რეჟისორმა ჯონ ჰილკოუტმა გადაიღო. ამ სერიის სიუჟეტი შოუს წინა სეზონის ერთ-ერთ ეპიზოდს, The Entire History of You, ჰგავს და ადამიანებს აქაც შეუძლიათ მოგონებების მართვა და მისი წაშლა, თუმცა როგორც რეჟისორი ამბობს მეოთხე სეზონის პირველ სერიაში ეს ყველაფერი უფრო მძაფრად იქნება ნაჩვენები.

მეორე ეპიზოდი - ARKANGEL

მეორე სერიის რეჟისორი ჯოდი ფოსტერია, სიუჟეტი კი შვილების აღზრდას შეეხება. ეპიზოდში ნავენები იქნება ის მეთოდები, თუ როგორ და რა გზებით ცდილობენ მშობლები საკუთრი შვილების გაკონტროლებას.

მესამე ეპიზოდი - HANG THE DJ

თუ გაინტერესებთ რა ხდება როდესაც ადამიანები ერთმანეთს სოციალურ ქსელში ან რომელიმე აპლიკაციის დახმარებით იცნობენ, მაშინ ეს სერია თქვენთვიაა. მეორე სერიაში ვნახავთ აპლიკაციას, რომელიც ერთდროულად წყვეტს იმას, თუ ვისთან გექნება პაემანი და იმასაც, თუ როგორ და რამდენ ხანში დასრულდება ეს ურთიერთობა. სერიას GOT-ის რეჟისორი ტიმ ვან პატენი გადაიღებს.

მეოთხე ეპიზოდი - USS CALLISTER

Black Mirror-ის მეოთხე ეპიზოდი Star Trek-ის სტილშია გადაღებული და მთავარ როლს How I Met Your Mother-ის მსახიობი კრისტიან მილიოტი ასრულებს. მისი პერსონაჟი ყველაფერს აკეთებს იმისათვის, რომ კოსმოსში გადარჩეს.

მეხუთე ეპიზოდი - METALHEAD

შავი სარკის მეხუთე სერია სერიალის ისტორიაში პირველი შავ-თეთრი ეპიზოდი იქნება. ამ სერიის რეჟისორი კი დეივიდ სლაიდია, რომელსაც ისეთ შოუებზე უმუშავია როგორებიცაა - Breaking Bad და American Gods. სერიაზე ბევრი არაფერია ცნობილი, თუმცა ვიცით, რომ მთავარი პერსონაჟი რობოტ, მკვლელ ძაღლებს გაურბის.

მეექვსე ეპიზოდი - BLACK MUSEUM

შავი მუზეუმის მეპატრონე იქ მისულ ყველა სტუმარს საშინელ, სასტიკ, სევდიან და ავადმყოფურ ისტორიებს ჰპირდება.

როგორც ხედავთ, წინა სეზონების მსგავსად ახალ სეზონშიც ერთმანეთისგან ჟანრობრივად და სიუჟეტურად განსხვავებული ეპიზოდები ექნება. ასე, რომ დაველოდოთ 29 დეკემბერს და ვნახოთ რას შემოგვთავაზებენ ყველა დროის ერთ-ერთი საუკეთესო სერიალის შემქმნებელი.