შესაძლოა, ადვოკატთა ასოციაციის თავმჯდომარის ასარჩევად მეორე ტური ჩატარდეს. ამ დროის მონაცემებით, გუშინ, 9 დეკემბერს, ჩატარებულ კენჭისყრაზე ხმების ნახევარზე მეტი თავმჯდომარეობის ვერც ერთმა კანდიდატმა მიიღო.

საარჩევნო კომისიის თავმჯდომარის, ირაკლი პეტრიაშვილის თქმით, არჩევნებში მონაწილეობდა 10-ზე მეტი კანდიდატი, აქედან პირველ სამ ადგილზე გავიდნენ: ხმათა უმრავლესობით პირველ ადგილზე - დავით ასათიანი, მეორე ადგილზე - ლევან ჯანაშია, მესამე ადგილზე დავით ლანჩავა.

"საბოლოო შედეგები იქნება 10 დეკემბერს შემაჯამებელ ოქმში, რადგან ამ დროისთვის დათვლილ ხმებში შესაძლოა, იყოს მცირედი ცვლილებები", - განაცხადა პეტრიაშვილმა.

ადვოკატთა ასოციაციის ჯერ კიდევ მოქმედი თავმჯდომარე, ზაზა ხატიაშვილი ამბობს, რომ ამ დროისთვის არსებული მონაცემები თუ არ შეიცვლება, ასათიანის მიერ მიღებული ხმათა რაოდენობის მიუხედავად, მეორე ტური უნდა გაიმართოს.

არჩევნებში მონაწილეობდნენ:

  • დავით ასათიანი;
  • ლევან ჯანაშია;
  • დავით ლანჩავა;
  • იასონ ბესელია;
  • გრიგოლ გაგნიძე;
  • დავით ებრალიძე;
  • ალექსი კობაიძე;
  • ონისე მარგიანი;
  • ვასილ ოსეფაშვილი;
  • ელგუჯა ჩხაიძე;
  • ირმა ჭკადუა;
  • ვაჟა ჯაოშვილი.