თბილისის მერის კახა კალაძის განმარტებით, წელს პირველად მთავარი საახალწლო ღონისძიებები თბილისის გარეუბნებში - გლდანში, სამგორსა და ძველ თბილისში ჩატარდება.

"24 დეკემბრიდან 7 იანვრის ჩათვლით დაგეგმლია სხვადასხვა ღონისძიება, რომლებშიც სხვადასხვა ბიზნესკომპანია მონაწილეობს", - განაცხადა კალაძებ პრესკონფერენციაზე.

მერის თქმით, განახლებულ აღმაშენებლზე დღესასწაულს 70-მდე სტარტაპერი მოაწყობს, ხოლო დედა ენის ბაღში განთავსდება საახალწლო ქალაქი, სადაც ორი კვირის განმავლობაში გაიმართება კონცერტები და მსვლელობები, მოეწყობა ატრაკციონების პარკი, ღია კინოთეატრი, საციგურაო მოედანი და სხვა.

კახა კალაძემ აღნიშნა, რომ საახალწლო კონცერტში მონაწილეობას მიიღებს ბევრი მომღერალი:

"ჩვენ საბოლოოდ უნდა დავანგრიოთ ის სტერეოტიპი, რომ გარკვეული პოლიტიკური ნიშნით ხდებოდა მომღერლების არჩევა, ან არმოწვევა საახალწლო კონცერტებზე, ეს მავნე პრაქტიკა პირადად ჩემთვის და ჩემი გუნდისთვის მიუღებელია".

თბილისის მერის თქმით, დედაქალაქის მთავარი ნაძვის ხე 15 დეკემბერს აინთება.