უკრაინის გენერალური პროკურატურა და უსაფრთხოების სამსახური, საქართველოს ყოფილი პრეზიდენტის მიხეილ სააკაშვილის ბინაში ამ დრომდე რჩება და ჩხრეკას ატარებს.

უკრაინული გამოცემა ადგილიდან LB.ua იუწყება, მიხეილ სააკაშვილი მის ბინაში ჩხრეკის გამო შენობის სახურავზე ავიდა და გადმოხტომით იმუქრებოდა.

"ეს არის პოლიტიკური რეპრესია, რომ ხალხი ქუჩაში აღარ გამოვიდეს. მე მოვუწოდებ ხალხს რომ ხალხი ქუჩაში გამოვიდეს და ამ უკანონობას წინ აღუდგეს." - ამის შესახებ მიხეილ სააკაშვილმა სახურავიდან მოუწოდა ხალხს და დაამატა, რომ პეტრო პოროშენკოს ხელისუფლებამ პუტინს მიჰყიდა თავი.

ფოტო: კადრი ვიდეოდან / LB.ua

ფოტო: Unian

სააკაშვილის თანამებრძოლმა დავით საყვარელიძემ ფეისბუქის საკუთარ გვერდზე დაწერა და თავის მხარდამჭერებს მისვლისკენ მოუწოდა.

"მიხეილ სააკაშვილის სახლში კარებს ამტვრევენ! კოსტიოლნის ქუჩა, ბინა 32, ვიკრიბებით!" - დაწერა საყვარელიძემ.