შინაგან საქმეთა სამინისტროს ინფორმაციით, წყალტუბოს რაიონში განზრახ მკვლელობის ბრალდებით 1999 წელს დაკავებული პირი დააკავეს.

უწყების თქმით, ბრალდებულმა გუშინ, 2 დეკემბერს, წყალტუბოს რაიონის სოფელ ოფშკვითში, ურთიერთშელაპარაკების ნიადაგზე, დანით გულმკერდის არეში ერთი ჭრილობა მიაყენა 2000 წელს დაბადებულ მოზარდს და შემთხვევის ადგილიდან მიიმალა. დაჭრილი საავადმყოფოში მიყვანამდე გარდაიცვალა.

შსს-ს განმარტებით, ბრალდებული თბილისში დააკავეს. გამოძიება განზრახ მკვლელობის ფაქტზე მიმდინარეობს (საქართველოს სისხლის სამართლის კოდექსის 108-ე მუხლით, რაც 7-დან 15 წლამდე თავისუფლების აღკვეთას ითვალისწინებს).