რესპუბლიკური საავადმყოფოს დირექტორმა, ავთანდილ იმედაძემ ხორავას ქუჩაზე დაჭრილ არასრულწლოვანთან დაკავშირებით განაცხადა, რომ მას მძიმე ჭრილობები აქვს.

"პრაქტიკულად წნევა ჰქონდა ნული. საოპერაციოში შესვლისას ჰქონდა გულის გაჩერება. არის გულმკერდის შემავალი ჭრილობა, მუცლის ღრუს შემავალი ჭრილობა, მაგისტრალური სისხლძარღვები არის დაზიანებული, ბარძაყის არტერია და ვენა. ასეთი სადისტური, საშინელი ჭრილობები აქვს 16 წლის ბავშვს, ჩვენ აღშფოთებულები ვართ".

შსს ინფორმაციით, დაპირისპირების შედეგად ერთი სკოლის მოსწავლე საავადმყოფოში მისვლამდე გარდაიცვალა.

მომხდარ ფაქტთან დაკავშირებით გამოძიება თბილისის პოლიციის დეპარტამენტმა საქართველოს სსკ-ს 108-ე მუხლით (განზრახ მკვლელობა) დაიწყო.