სასამართლომ დააკმაყოფილა კონკურენციის სააგენტოს მიმართვა და შეაჩერა ფოთის პორტის გადაწყვეტილება. ამის შესახებ, დღეს გადამზიდავი კომპანიების ჩატარებულ ბრიფინგზე განაცხადეს.

ფოთის პორტის გადაწყვეტილება კონტეინერების ინტეგრირებულ მართვას გულისხმობდა და ძალაში 1 ივლისიდან უნდა შესულიყო. აღნიშნულის ამოქმედების შემთხვევაში 5000 ადამიანი უმუშევარი დარჩებოდა.

საქართველოს სატრანსპორტო პროფკავშირის პრეზიდენტის ლავრენტი ალანიას განცხადებით, ჯერჯერობით ცნობილი არაა საბოლოო გადაწყვეტილება როდის იქნება ცნობილი:

"ეს ერთ-ერთი ის გამარჯვებაა, როცა ბიზნესი და დასაქმებული ადამიანი ერთად დადგნენ მთავრობასთან ერთად და მივიღეთ ლოგიკური გადაწყვეტილება, რომ უმუშევრობა არ ემუქრება 5000 ადამიანს, რომელიც დასაქმებულია ამ ტერმინალებში.“