ბოსნიელი ხორვატი სამხედრო მეთაური სლობოდან პრალიაკი საავადმყოფოში გარდაიცვალა, მას შემდეგ, რაც ჰააგის სასამართლოს დარბაზში საწამლავი დალია.

BBC-ის ცნობით, 29 ნოემბერის სხდომაზე, განაჩენის მოსმენის შემდეგ მან ჯიბიდან პატარა ნივთი ამოიღო, რაღაც გაურკვეველი სითხე დალია და თქვა: "მე დამნაშავე არ ვარ". 72 წლის სლობოდან პლარიაკს ბოსნიელი მუსლიმების წინააღმდეგ ჩადენილი სამხედრო დანაშაულების გამო სისხლის სამართლის საერთაშორისო სასამართლომ თავისუფლების 20 წლით აღკვეთა მიუსაჯა.

პრალიაკი სასამართლოდან დაუყოვნებლივ საავადმყოფოში გადაიყვანეს, მაგრამ მისი გადარჩენა ვერ მოხერხდა, ის შემთხვევიდან რამდენიმე საათში გარდაიცვალა.

2013 წელს, მას ბოსნიის ომის დროს (1992-95 წლებში) ქალაქ მოსტარში ჩადენილი დანაშაულისთვის ბრალი წაუყენეს.