ახალი ნარკოპოლიტიკის კანონპროექტის საკომიტეტო მოსმენა რომელიც, 28 ნოემბერს ხუთ საათზე იყო ჩანიშნული, გაურკვეველი მიზეზით გადაიდო. ინფორმაციას ამის შესახებ თეთრი ხმაური მოძრაობა ფეისბუკზე ავრცელებს.

თეთრი ხმაურის მოძრაობის თქმით, საკომიტეტო მოსმენის გადადების მიზეზი ამ დროისთვის უცნობია და ისინი ცდილობენ მოიძიონ დამატებითი ინფორმაცია.

საკომიტეტო მოსმენაზე ახალი ნარკოპოლიტიკის კანონპროექტი ერთობლივად უნდა განეხილა, ჯანმრთელობის დაცვისა და სოციალურ საკითხთა, განათლების, მეცნიერებისა და კულტურისა და რეგიონული პოლიტიკისა და თვითმმართველობის კომიტეტებს.

თეთრი ხმაურის მოძრაობა ახალი კანონპროექტის ერთ-ერთი თანაავტორია და ბოლო წლებია აქტიურად იბრძვის ნარკოპოლიტიკის რეფორმისთვის. ახალი ნარკოპოლიტიკის მოთხოვნით, მოძრაობის ორგანიზებით, 10 დეკემბერს მაშტაბური აქცია გაიმართება.