თბილისის მერმა, კახა კალაძემ ფინანსთა მინისტრთან, მამუკა ბახტაძესთან შეხვედრისას განაცხადა, რომ მეტროსა და თბილისის ისტორიული ნაწილის რეაბილიტაციისთვის 2018 წელს დამატებით 60 მილიონი ლარი გამოიყოფა.

"ესაა მეტროს სარეაბილიტაციო სამუშაოები როგორც მეტროსადგურების, ისე მოძრავი შემადგენლობის განახლება, ასევე თბილისის ისტორიული ნაწილის რეაბილიტაცია. 2018 წელი ჩვენი დედაქალაქისთვის იქნება განსხვავებული, რადგან ვიწყებთ იმ პროექტების განხორციელებას, რაც წინასაარჩევოდ იყო წარმოდგენილი ჩვენგან," - განაცხადა კალაძემ.

ბახტაძის თქმით, თბილისის ბიუჯეტისთვის დამატებითი თანხის გამოყოფაზე პროექტების გაცნობის შემდეგ მიიღეს.

"საქართველოს ფინანსთა სამინისტროს აქვს შესაძლებლობა განახორციელოს დამატებითი ტრანსფერი და დღეს შევთანხმდით ტექნიკურ დეტალებზე", - განაცხადა ფინანსთა მინისტრმა, მამუკა ბახტაძემ.