შობა-ახალი წელი ახლოვდება და ამ პერიოდში აუცილებლად გვახსენდება ერთი პერსონაჟი - გრინჩი, რომელიც ვინ იცის უკვე მერამდენე წელია ჩვენთვის დღესასწაულის მოპარვას ცდილობს.

სხვადასხვა ვერსიების შემდეგ, გრინჩის ყველაზე პოპულარული ეკრანული ვერსია 2000 წელს, ჯიმ კერის მონაწილებით გამოვიდა. ფილმმა გაქირავებაში $345 მილიონზე მეტი იშოვა და იმ წლის ერთ-ერთ ყველაზე მაღალშემოსავლიან ფილმად იქცა.

ცოტა ხნის წინ კი ცნობილი გახდა, რომ 2018 წლის წინასაახალწლო პერიოდში გრინჩის შესახებ ახალი ანიმაციური ფილმი გამოვა, სადაც მწვანე არსებას არც მეტი, არც ნაკლები ბენედიქტ კამბერბეჩი გაახმოვანებს.