სამხრეთ ოსეთის დე-ფაქტო რესპუბლიკაში ტერორისტული საქმიანობისთვის გასამართლებული საქართველოს მოქალაქე გიორგი გიუნაშვილი გაათავისუფლეს და ქართულ მხარეს გადასცემს. ამის შესახებ რუსეთის ხელისუფლების მიერ დაფინანსებული Sputnik-ossetia იუწყება.

გამოცემის ინფორმაციით, გიუნაშვილის გათავისუფლების სანაცვლოდ ქართულმა მხარემ აფხაზეთის მოქალაქე უნდა გაათავისუფლოს, რომელიც პატიმრობას ქართულ ციხეში იხდის.

2017 წლის თებერვალში სამხრეთ ოსეთის დე-ფაქტო რესპუბლიკაში ტერორისტული საქმიანობის ბრალდებით გიორგი გიუნაშვილს 20-წლიანი პატიმრობა მიუსაჯეს. ის 2016 წლის ივნისში დააკავეს.

"აფხაზეთის რესპუბლიკის ხელმძღვანელობის თხოვნისა და პრეზიდენტის ოფიციალური ვიზიტის ფარგლებში სამხრეთ ოსეთის რესპუბლიკამ საქართველოს მოქალაქე შეიწყალა და ქართულ მხარეს გადასცა. ეს საქართველო-სამხრეთ ოსეთის საზღვარზე მოხდა. ეს იყო კეთილი ნების ჟესტი", - ნათქვამია განცხადებაში.

სამხრეთ ოსეთის დე-ფაქტო რესპუბლიკის ინფორმაციით, 2004 წლიდან გიუნაშვილი უკანანო შეიარაღებულ დაჯგიფებაში ირიცხებოდა, რომელსაც ქართული სპეცსამსახურები მართავდნენ.

On.ge ცდილობს შერიგებისა და სამოქალაქო თანასწორობის საკითხებში საქართველოს სახელმწიფოს მინისტრის აპარატს დაუკავშირდეს, თუმცა ამ დრომდე ვერ ხერხდება.