ინგოროყვას კლინიკის ექიმის ინფორმაციით, სპეცრაზმელს, როემლის მათ კლინიკაში მიიყვანეს თავის არეში აქვს ჭრილობა მიყენებული ამ წუთას კი ოპერაცია უტარდება. სახელმწიფო უსაფრთხოების სამსახურის ინფორმაციით, სპეცრაზმელი ისანში, ბერი გაბრიელ სალოსის ქუჩაზე სპეცოპერაციის დროს დაიჭრა.

ექიმის ინფორმაციით, პაციენტი სასწრაფო დახმარების მანქანით კრიტიკულ მდომარეობაში მიიყვანეს და ქალა ტვინის მძიმე ტრამვა ჰქონდა.

"პაციენტი შეყვანილი იქნა საოპერაციო ბლოკში გადაუდებლად, უტარდება ოპერაცია ამჟამად, მდგომარეობა რჩება კრიტიკული", - განაცხადა ექიმმა.

სახელმწიფო უსაფრთხოების სამსახურის ინფორმაციით, ისანში, გაბრიელ სალოსის გამზირზე, სპეცოპერაციისას ერთი პირია დაკავებული, სპეცოპერაცია გრძელდება.

სპეცოპერაცია ბერი გაბრიელ სალოსის გამზირზე გუშინ, 21 ნოემბერს ღამით დაიწყო და ამ დრომდე მიმდინარეობს. ისმის სროლისა და აფეთქების ხმა.