შინაგან საქმეთა სამინისტრო განცხადებას ავრცელებს, რომ საბავშვო ევროვიზიის სიმღერის კონკურსთან დაკავშირებით, საზოგადოებრივი წესრიგისა და უსაფრთხოების დაცვის მიზნით, თბილისის ცალკეულ ქუჩებზე საავტომობილო მოძრაობა აიკრძალება 19 ნოემბრიდან 20 ნოემბრის 20 საათამდე.

ავტომანქანების მოძრაობა აიკრძალება:

  • შოთა რუსთაველის გამზირის და ანტონ ფურცელაძის ქუჩების კვეთაზე;
  • ანტონ ფურცელაძის და ლადო გუდიაშვილის ქუჩების კვეთაზე;
  • ლადო გუდიაშვილის და არჩილ ჯორჯაძის ქუჩების კვეთაზე.

შსს–ს ცნობით, სატრანსპორტო მოძრაობა ღონისძიების დასრულებისთანავე აღდგება.

საბავშვო ევროვიზია 2017 საქართველოში 26 ნოემბერს ოლიმპიურ სასახლეში ჩატარდება, საქართველოს სახელით კი X ფაქტორი-ს ფინალისტი გრიგოლ ყიფშიძე გამოვა.

ევროვიზიის სიმღერის კონკურსში მონაწილეობის მისაღებად, თბილისს ევროპის 16 ქვეყნის წარმომადგენელი ახალგაზრდა ვარსკვლავი ეწვევა.