ლეონარდო და ვინჩის Salvator Mundi (მსოფლიოს მხსნელი), 450 მილიონი აშშ დოლარის ღირებულებით, კრისტის აუქციონზე გაყიდულ ყველაზე ძვირადღირებულ ნამუშევრად იქცა. 1 500 წელს შექმნილი ნახატი იტალიელი მხატვრის 20-მდე ავთენტური ნამუშევარია.

ფოტო: AP

თავდაპირველად მოლოდინებით, ნახატში შემოთავაზებული უნდა ყოფილიყო $100 მილიონზე მეტი, მაგრამ ახალი რეკორდი 20 წუთში დამყარდა და პიკასოს $179 მილიონად გაყიდული Les Femmes d'Alger უკან ჩამოიტოვა.

საფრანგეთის მეფის, ლუი XII-ის შეკვეთით შექმნილი ნახატი მოგვიანებით ინგლისის მეფის ჩარლზი I-ის საკუთრებაში იყო, თუმცა მე-18 საუკუნის ბოლოს ნამუშევარი დაკარგულად მიიჩნეოდა.

1958 წელს Salvator Mundi აუქციონზე გამოჩნდა, თუმცა მხოლოდ 59 დოლარად გაიყიდა, როგორც ასლი. 2005 წულს, დაზიანებული ნამუშევარი არტ-დილერებმა 10 ათას დოლარად ჩაიგდეს ხელში და აღადგინეს.