დაახლოებით ნახევარი საათის წინ მიწისძვრა მოხდა აზერბაიჯანში, საქართველოს საზღვრიდან – 171 კმ-ში. ბიძგები იგრძნობოდა საქართველოს სხვადასხვა რეგიონში და დედაქალაქშიც.

earthquaketrack-ის მონაცემებით, 5,1 მაგნიტუდის სიმძლავრის მიწისძვრა თბილისის დროით 23:48 საათზე მოხდა. ილიას სახელმწიფო უნივერსიტეტის სეისმური ცენტრის ინფორმაციით კი, მიწისძვრა 5,9 მაგნიტუდის სიმძლავრის იყო.

საგანგებო სიტუაციების მართვის სამსახურში On.ge-ს უთხრეს, რომ მიწისძვრის გამო შეტყობინებები არ შესულა.