რეფერენდუმზე ავტრალიის მოსახლეობამ ერთნაირი სქესის მქონე პირების ქორწინების დაკანონებას 61,6 პროცენტით მხარი დაუჭირა. ინფორმაციას BBC ავრცელებს.

შედეგების გამოცხადების შემდეგ პრემიერ-მინისტრმა, მალკოლმ ტურნბულმა განაცხადა, რომ შობამდე ქვეყნის კანონმდებლობას შეცვლიდა:

"მილიონმა ავსტრალიელმა თავისი სიტყვა თქვა და ხმათა უმრავლესობით ქორწინების თანასწორობას დაუჭირა მხარი. მათ უთხრეს "დიახ" სამართლიანობას, "დიახ" ერთგულებას, "დიახ" სიყვარულს. ახლა კი დრო მოვიდა აქ, ავსტრალიის პარლამენტში, გავაკეთოთ ჩვენი საქმე".

ხმის მიცემა ფოსტის საშუალებით რვა კვირის განმავლობაში მიმდინარეობდა. რეფერენდუმში 12,7 მილიონმა ადამიანმა მიიღო მონაწილეობა, რაც ამომრჩეველთა 79,5 პროცენტს შეადგენს.