შინაგან საქმეთა სამინიტროს ინფორმაციით, პოლიციის თანამშრომლებმა პროსტიტუციისთვის ადგილის გადაცემის ფაქტზე ერთი პირი ამხილეს.

"გამოძიებამ დაადგინა, რომ ბრალდებული დროებით მფლობელობაში არსებულ თურქულ ბარში, გარკვეული პერიოდის განმავლობაში, გასამრჯელოს სანაცვლოდ, მოქალაქეებს პროსტიტუციისთვის ფართს უთმობდა", - აცხადებენ შსს-ში და დასძენენ, რომ მოწმის სახით ბარში მომუშავე პერსონალიც დაიკითხა.

საქმეზე გამოძიება საქართველოს სისხლის სამართლის კოდექსის 254-ე მუხლით მიმდინარეობს. ამ მუხლით, პროსტიტუციისთვის ადგილის ან საცხოვრებლის გადაცემა ისჯება ჯარიმით ან თავისუფლების აღკვეთით ვადით ორიდან ოთხ წლამდე.