თბილისის მოქმედი მერი, დავით ნარმანია აცხადებს, რომ 2014 წელს ძალიან ცუდი მემკვიდრეობა დახვდა, რის დასაძლევათაც ერთი წელი დასჭირდა, ხოლო პროექტები, რომლებითაც ის ამაყობს მხოლოდ ბოლო ორ წელიწადში განხორციელდა. როგორც ნარმანიამ ტელეკომპანია იმედის ეთერში განაცხადა, ახალ მერს, მისგან გასხვავებით საბოტაჟი და გარღვეული ბიუჯეტი აღარ დახვდება:

"ნამდვილად ცუდი მემკვიდრეობა დამხვდა. ეს იყო 30 მილიონამდე გარღვეული ბიუჯეტი. ასევე, მთელი 6 თვის განმავლობაში იყო საბოჟატი ქალაქის მერიაში და ხელშეშლა ჩვენი საქმიანობისთვის. რამდენიმე თვეში ქალაქს თავს დაატყდა სტიქია და გახსოვთ, რომ ჩვენ ძალიან ბევრი, როგორც ფინანსური ასევე ადამიანური რესურსის მიმართვა მოგვიწია სტიქიის შედეგების სალიკვიდაციოდ."

დავით ნარმანიამ დღეს, 10 ნოემბერს, მისი მერად მუშაობის სამწლიანი ანგარიში წარადგინა. 12 ნოემბრიდან კი თბილისის მერის თანამდებობაზე ნარმანიას ასევე ქართული ოცნების წევრი, კახა კალაძე ჩაანაცვლებს.