ესპანეთის უზენაესი სასამართლოს მოსამართლემ კატალონიის რეგიონალური პარლამენტის ყოფილ სპიკერს, კარმე ფორკადელსა და ოთხ კანონმდებელს აღკვეთის ღონისძიების სახით პატიმრობა გირაოთი შეუცვალა.

ფორკადელს გათავისუფლების სანაცვლოდ 150 ათასი ევროს გადახდა მოუწევს, პარლამენტის წევრებს კი 25 ათასი ევროს გადახდა დაეკისრათ.

ხუთივე ბრალდებულს ესპანეთის დატოვება აეკრძალათ და ყოველ კვირაში ადგილობრივ სასამართლოზე დასწრება დაევალათ.

ბრალდებულებს ამბოხება, აჯანყებისაკენ მოწოდება და სახელმწიფო სახსრების ბოროტად გამოყენება ედებათ ბრალად.

კატალონიის დამოუკიდებლობის რეფერენდუმის და საკონსტიტუციო კრიზისის შემდეგ ესპანეთის პრეზიდენტმა მარიანო რახოიმ რეგიონს ავტონომია ჩამოართვა და პირდაპირი მმართველობა დაიწყო. რახოიმ დაითხოვა კატალონიის რეგიონული პარლამენტი და ვადამდელი არჩევნები 21 დეკემბერს დანიშნა.

ესპანეთის სასამართლომ კატალონიის რვა ყოფილი მინისტრის დაკავების განკარგულება უკვე გასცა.

გაიგეთ მეტი: კატალონიის კრიზისი - დეტალები მოკლედ