საზოგადოებრივი მაუწყებლის სამეურვეო საბჭოს თავმჯდომარე, გრიგოლ გოგელია ამბობს, რომ ის ყოფილი მთავრობის წევრებისგან მაუწყებლისთვის ქონების ჩუქებასაც დათანხმდება. ამის შესახებ მან On.ge-ს ჟურნალისტის კითხვას სამეურვეო საბჭოს სხდომაზე უპასუხა. ამ სხდომაზე საქართველოს ყოფილი პრემიერ-მინისტრისა და მმართველი პარტიის დამფუძნებლის ბიძინა ივანიშვილის შვილის მიერ მაუწყებლისთვის ტექნიკის საჩუქრად მიღებაზე საუბრობდნენ.

"ჩვენ გვაქვს მექანიზმები როგორ დავიცვათ თავი. თუ ეს კანონი ჩვენ გვაძლევს იმის შესაძლებლობას, რომ ამგვარ გარიგებაში შევიდეთ. თუ ჩვენ ამგვარ გარიგებაში შევალთ არანაირ გარანტიას არ ვაძლევთ და ვერანაირ ვალდებულებას ვერ მივიღებთ. რატომ არ უნდა მივიღოთ? რატომ უნდა დავხარჯოთ ზედმეტი თანხა იმაში, რომ ვიღაცას რაღაცა დღის წესრიგი აქვს სხვანაირი", - განაცხადა გოგელიამ.

გრიგოლიამ და სამეურვეო საბჭოს კიდევ ხუთმა წევრმა: გიორგი იაკობაშვილმა, ირინე ფუტკარაძემ, გიორგი კოხრეიძემ, მარინა მუსხელიშვილმა და გიორგი ნიჟარაძემ აღნიშნეს, რომ ბერა ივანიშვილის კომპანიისგან ტექნიკის მიღებას მიესალმებიან. მათ შორის მუსხელიშვილი მიესალმება სამადლობელად ბერას კონცერტის პირველ არხზე გასვებას.