თბილისის მერიის განცხადებით, ილია ჭავჭავაძის 180 წლის საიუბილეო თარიღის აღსანიშნავად, 8 ნოემბერს მოქალაქეებს თბილისიდან საგურამოს მიმართულებით და პირიქით უფასო სამგზავრო ავტობუსები მოემსახურება.

პრემიერ-მინისტრის ინიციატივით საგურამოში, ილიას მუზეუმსა და ეზოში ხვალ სახალხო დღესასწაული აღინიშნება.

ავტობუსები საგურამოს მიმართულებით დღის განმავლობაში 2-ჯერ - 13 საათსა და 18:30 საათზე ვარდების მოედნიდან გავა.

2017 წელი ილია ჭავჭავაძის საიუბილეო წელია. მისი დაბადებიდან 180 წელი აღინიშნება, ხოლო მკვლელობიდან 110 წელი შესრულდა.