ნეტფლიქსი ბოლო დროის ერთ-ერთი ყველაზე წარმატებული სერიალი The Crown, ეთერში ახალი სეზონით დაბრუნდება.

შოუს მეორე სეზონის ახალი ტრეილერი ნეტფლიქსმა ცოტა ხნის წინ გაასაჯაროვა.

სერიალის სიუჟტი დედოფალ ელიზაბეტ მეორეს ახალგაზრდობის წლებს ეხება და იმ სირთულეებისა და ინტრიგების შესახებ მოგვითხრობს, რომლის გადალახვაც ახალბედა მონარქს უწევს. აღსანიშნავია, რომ ნეტფლიქსის დრამის პირველი სეზონის ბიუჯეტი $156 მილიონი დოლარი იყო.

სერიალში ელისაბედ II-სა და პრინც ფილიპის როლებს კლერ ფოი და მეტ სმიტი ასრულებენ.

როგორც Netflix-ში ამბობენ, ამ დროისთვის გვირგვინის ექვსი სეზონის გადაღებაა დაგეგმილი, რომელიც დედოფლის ცხოვრებას მთლიანად აღწერს და ძირითად შემთხვევაში კულუარულ ამბებსაც მოგვიყვება, მათ შორის ერთი სეზონი მთლიანად ლედი დაიანასა და დედოფალ ელისაბედის ურთიერთობას დაეთმობა.

გამომდინარე იქიდა, რომ სამეფო ოჯახის შესახებ გადაღებული დრამა დედოფლის ცხოვრების ყველა ეტაპს შეეხება, ასაკის ცვლილებებიდან გამომდიანრე, აუცილებლობას წარმოადგენს, რომ ელიზაბეტის როლი სხვადასხვა მსახიობებმა შეასრულოს. სწორედ ამიტომ შემდეგი სეზონიდან დედოფლის როლს კლერ ფოის ნაცვლად ოლივია კოლმანი შეასრულებს.