დიდი ბრიტანეთის პრემიერმა დევიდ კემერონმა რამდენიმე წუთის წინ განაცხადა, რომ ის გადადგა. კემერონმა გადაწყვეტილება მას შემდეგ მიიღო, რაც დიდი ბრიტანეთის ამომრჩეველთა უმრავლესობამ მხარი დაუჭირა ევროკავშირიდან გასვლას. კემერონი ევროკავშირში დარჩენის მომხრე იყო.

"ჩემთვის დიდი პატივი იყო დიდი ბრიტანეთის პრემიერის პოსტზე მუშაობა 6 წლის განმავლობაში", - თქვა დევიდ კემერონმა ლონდონში გამართულ პრესკონფერენციაზე.

მისი თქმით, ბრიტანეთი ევროკავშირის გარეშეც გადარჩება. ყოფილმა პრემიერმა თქვა, რომ მას უყვარს დიდი ბრიტანეთი. კემერონის თქმით, ის ყველაფერს გააკეთებს თავისი ქვეყნის წარმატებისთვის. მან ასევე მოუწოდა ინვესტორებსა და ბიზნესმენებს, რომ მიუხედავად რეფერენდუმის შედეგებისა, დიდი ბრიტანეთის ეკონომიკა ძლიერი და სტაბილურია.

დევიდ კემერონი ბრიტანეთის პრემიერს პოსტს 2016 წლის შემოდგომამდე დატოვებს.

23 ივნისს დიდ ბრიტანეთში ჩატარებული რეფერენდუმის მიხედვით, ამომრჩეველთა 52-მა პროცენტმა მხარი დაუჭირა დიდი ბრიტანეთის ევროკავშირიდან გასვლას, 48 პროცენტმა კი - დარჩენას. რეფერენდუმის შედეგების გამოცხადებას მყისიერად მოჰყვა ბრიტანული ვალუტის გაფუასურება და მან დოლართან მიმართებით 30-წლიან მინიმუმს მიაღწია.

გაიგეთ მეტი: