ჩეჩნეთის მმართველი რამზან კადიროვი ვლადიმერ ლენინის სხეულის დასაფლავებას ითხოვ. ამის შესახებ ის ტელეგრამზე წერს.

"პირადად მე დარწმუნებული ვარ, რომ საკმარისია ლენინის გვამის ყურება. რევოლუციის ხელმძღვანელი დიდი ხანია დასამარხია, ეს ჭკვიანურიცაა და ადამიანურიც", - აცხადებს კადიროვი.

მისივე აზრით, არასწორია, რომ რუსეთის გულში, წითელ მოედანზე, მკვდარი ადამიანის კუბო დგას. კადიროვი წერს, რომ გადაწყვეტილება, რა თქმა უნდა, რუსეთის პრეზიდენტმა, ვლადიმერ პუტინმა უნდა მიიღოს, მაგრამ ლენინის დასაფლავება ძალიან სწორი იქნება.

ნოვაია გაზეტას ცნობით, პირველად, ლენინის გვამის მავზოლეუმიდან გამოტანისა და დასაფლავების იდეა 1991 წელს, საბჭოთა კავშირის დაშლის შემდეგ გაჩნდა. ამ იდეის მომხრე იყო ბორის ელცინიც.