საქართველოს ტურიზმის ეროვნული ადმინისტრაცია საბავშო ევროვიზიისთვის, რომელიც თბილისში უნდა გაიმართოს 3 მილიონამდე ლარს ხარჯავს. ხელშეკრულებები პირდაპირი წესით, ტენდერის გარეშე გაფორმდა. როგორც შესყიდვების სააგენტოსთვის მიწერილი წერილებით ირკვევა, სააგენტო ჯამში 6,6 მილიონი მომსახურებას შეძენას გეგმავს.

On.ge-მ შესყიდვების სააგენტოზე ევროვიზია 2017-ისთვის გაფორმებული სამი ხელშეკრულება მოიძია.

შპს სოუნდ სითისთან 25 ოქტომბერს გაფორმებული ხელშეკრულებით სცენის, გახმოვანების, განათებისა და სპეცეფექტების მომსახურების შეძენაა დაგეგმილი. მომსახურების ღირებულება 1 531 198,62 ლარია. შედარებით ნაკლებ თანხას (1 062 533 ლარი) გადაიხდის ტურიზმის ადმინისტრაცია შპს ბრუდერშაფტისთან სცენის დეკორაციისა და კონსულტაციებითვის. კიდევ უფრო ნაკლები თანხა (217 754 ლარი) უჯდება უწყებას სახელისუფლებო სპეციალური კავშირგაბმულობის სააგენტოს მომსახურება.

როგორც ტურიზმის ეროვნულ ადმინისტრაციაში განმარტავენ საბავშვო ევროვიზიის კონკურსი ევროპის ერთ-ერთი ყველაზე მასშტაბური შოუა, რომელიც ტურისტულად მნიშვნელოვან კულტურული ღონისძიებაა. გარდა ამისა, კონკურსი ევროპის 50 ქვეყნის პირდაპირ ეთერში ტრანსლირდება, 18 ქვეყნის მონაწილე კონკურსანტები საქართველოდან წარდგებიან და ფინალურ შოუს ოთხ მილიონამდე მაყურებელი ეყოლება. კონკურსი მიმდინარე წლის 19-26 ნოემბერს გაიმართება.