ქედის ცენტრალურ საავტომობილო გზაზე მომხდარი ავტოსაგზაო შემთხვევის შედეგად ექვსი ბავშვი დაშავდა. პირველადი სამედიცინო დახმარება მოზარდებს ქედის სამედიცინო ცენტრში გაუწიეს. გვიან ღამით, ერთ-ერთ მოზარდს ბათუმის საავადმყოფოში თავის არეში ოპერაცია ჩაუტარეს.

როგორც IPN წერს, 28 ოქტომბერს საღამოს, მოძრავ მიკროავტობუსში მსხდომმა ბავშვებმა კარი გააღეს და გადმოვარდნენ.

როგორც On.ge-ს შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის უსაფრთხო მოძრაობის წესის დარღვევას გულისხმობს.