25 ოქტომბერს, გვიან ღამით, კიევში ტელეკომპანია ესპრესოს შენობასთან აფეთქება მოხდა, რის შედეგადაც ოთხი ადამიანი დაშავდა, მათ შორის, უკრაინის რადის დეპუტატი, იგორ მოსიიჩუკი. აფეთქების შედეგად გარდაიცვალა დეპუტატის დაცვის წევრი და პოლიციის უფროსი.

ფოტო: Unian

უკრაინის შინაგან საქმეთა სამინისტროს წარმომადგენლის თქმით, აფეთქება ტერაქტად დაკვალიფიცირდა. როგორც, ადგილობრივი მედია წერს, მოსიიჩუკმა მძიმე დაზიანება მიიღო, თუმცა სიცოცხლისთვის საშიში არ არის. დეპუტატის პრესსამსახურის განმარტებით, მოსიიჩუკს ესპრესოში პირდაპირი ეთერი ჰქონდა:

"როდესაც ის შენობიდან გამოდიოდა დაცვასთან ერთად, მანქანა, რომელიც შესასვლელთან იყო დაყენებული, აფეთქდა".

იგორ მოსიიჩუკი არის უკრაინის რადის დეპუტატი რადიკალური პარტიიდან. ის ცნობილი გახდა დონბასის საბრძოლო მოქმედებების დროს, როგორც ერთ-ერთი ბატალიონის მეთაურის მოადგილე.

ფოტო: Unian

2015 წელს მის წინააღმდეგ ქრთამის აღების ბრალდებით სისხლის სამართლის საქმე აღიძრა. მაშინ პარლამენტმა მას დეპუტატის იმუნიტეტი მოუხსნეს და დააკავეს, თუმცა უკრაინის უზენაესმა სასამართლომ პროცედურული დაღვევების მიზეზით მოსიიჩუკი გაათავისუფლა.