"ბატონ ვიქტორ ჯაფარიძესთან ერთად, სვანეთის წარმომადგენელ სხვა დეპუტატებთან ერთად გვქონდა შეხვედრა და მივიღეთ გადაწყვეტილება, რომ უნდა მიგვეღო გადამწყვეტი ზომები მაინინგის წინააღმდეგ მესტიის მუნიციპალიტეტში", — განაცხადა მთავრობის მეთაურმა, ირაკლი კობახიძემ ჟურნალისტების კითხვის საპასუხოდ, რომელიც მაინერების საკითხის უკან პარტია ხალხის ძალის წევრის, ვიქტორ ჯაფარიძის დასახელებას უკავშირდებოდა. კობახიძის განმარტებით, ჭორებით საუბარია არასწორია.

"ჭორებით საუბარია არასწორია. ვიცით, რომ არსებობს პრობლემა და მასთან დაკავშირებით ბატონ ვიქტორ ჯაფარიძესთან ერთადაც გვქონდა საუბარი და ერთად მივიღეთ გადაწყვეტილება, რომ გადამჭრელი ზომები უნდა მიგვეღო, რომელიც შეიძლება სირთულეებთან ყოფილიყო დაკავშირებული, მაგრამ ყველამ ერთად გადავწყვიტეთ, რომ უნდა მიგვეღო გადამჭრელი ზომები... ჩვენ ბატონ ვიქტორ ჯაფარიძესთან ერთად, სვანეთის წარმომადგენელ სხვა დეპუტატებთან ერთად გვქონდა შეხვედრა და მივიღეთ გადაწყვეტილება, რომ უნდა მიგვეღო გადამწყვეტი ზომები მაინინგის ინააღმდეგ მესტიის მუნიციპალიტეტში", — განაცხადა კობახიძემ.

შეგახსენებთ, დღეს მესტიის მუნიციპალიტეტში ენერგორესურსით სარგებლობის წესების დარღვევის ფაქტებზე გამოძიება დაიწყეს და 6 სხვადასხვა ლოკაციაზე 148 კრიპტოვალუტის მწარმოებელი სპეციალური მოწყობილობა, ე.წ. მაინერი ამოიღეს. ამის შესახებ ინფორმაციას შსს ავრცელებს.

მანამდე,1-ელ ივნისს სამართალდამცავი ორგანოების კოორდინაციების საკითხებში სახელმწიფო მინისტრის, მამუკა მდინარაძის განცხადებით, მთავრობა ენერგეტიკული სექტორისთვის დამაზიანებელი არალეგალური ბიზნესსაქმიანობის წინააღმდეგ ნაბიჯების გადადგმას იწყებს. მისი განმარტებით, ერთ-ერთი მსხვილი გამოწვევა მესტიის მუნიციპალიტეტია, სადაც ელექტროხაზები მუდმივად გადატვირთულია.