პარტია ერთიანი ნაციონალური მოძრაობა ადგილობრივი თვითმმართველობის არჩევნების მეორე ტურში მონაწილეობას არ მიიღებს.

ამის შესახებ პარტიის წევრები დღეს, 23 ოქტომბერს, პოლიტსაბჭოს სხდომაზე შეთანხმდნენ. ცენტრალური საარჩევნო კომისიის წინასწარი მონაცემებით, ხუთი თვითმმართველი ქალაქიდან მეორე ტური მხოლოდ ქუთაისში გაიმართება. მეორე ტურში ქართული ოცნებისა და ერთიანი ნაციონალური მოძრაობის მერობის კანდიდატებს უდნა მიეღოთ მონაწილეობა.

სახელისუფლებო კანდიდატმა გიორგი ჭიღვარიამ არჩევნებში ხმების 48,75%, ხოლო ენმ-ის კანდიდატმა გრიგოლ ვაშაძემ 26,89% მოაგროვა.

თვითმმართველ ქალაქებში თბილისში, ბათუმში, ფოთსა და რუსთავში ქართული ოცნების მერობის კანდიდატებმა გაიმარჯვეს.

არჩევნების შედეგებს შეგიძლიათ თვალი ადევნოთ On.ge-ზე.