პოლიტიკური ინიციატივა ჯერ საქართველოს თანადამფუძნებელი და საერთაშორისო მდივანი ნიკოლოზ ხატიაშვილი პრაღაში დაგეგმილ გლობალური უსაფრთხოების 2026 წლის ფორუმში მიიღებს მონაწილეობას, რომელიც 21-23 მაისს ჩატარდება.

"ჯერ საქართველოს მონაწილეობა ასეთი მაღალი დონის ფორუმში, არა მარტო ჩვენი გუნდის კიდევ ერთი საერთაშორისო აღიარებაა, არამედ პირველ რიგში საქართველოსთვის არის მნიშვნელოვანი, მითუმეტეს ასეთ კრიტიკულ მომენტში.

რადგან, ჩვენი ამოცანა ქართული იდეის ადვოკატირებაა ჩვენს საერთაშორისო პარტნიორებთან და მათთვის ალტერნატიული, განახლებაზე და ცვლილებებზე ორიენტირებული საქართველოს ჩვენება, რომელსაც შეუძლია ნდობის აღდგენა როგორც საკუთარ მოსახლეობაში, ასევე საერთაშორისო არენაზე და რეგიონის მნიშვნელოვან მოთამაშედ დაბრუნება," — განაცხადა ნიკოლოზ ხატიაშვილმა.

აღნიშნული ფორუმი წარმოადგენს მსოფლიოში ერთ-ერთ ყველაზე გავლენიან სტრატეგიულ ფორუმს, რომლის ფარგლებშიც იკრიბებიან მაღალი დონის გადაწყვეტილებების მიმღები პირები, სახელმწიფოების მეთაურები, პოლიტიკოსები, ექსპერტები, ბიზნესს წრეების წარმომადგენლები, აკადემიური და სამოქალაქო საზოგადოების წევრები და პოლიტიკური პარტიები. ჯერ საქართველოს ცნობით, ფორუმის ფარგლებში დაგეგმილია ორმხრივი შეხვედრები და დისკუსია.

წლევანდელი ფორუმის მთავარი საკითხები: საერთაშორისო სისტემაში არსებულ გამოწვევები,
მათ შორის, უკრაინაში მიმდინარე რუსული აგრესია, ევროპული უსაფრთხოების მომავალი,
გლობალური ძალების კონკურენცია, დემოკრატიის მედეგობა, თავდაცვის სფეროში თანამშრომლობა, ჰიბრიდულ საფრთხეები, შავი ზღვის უსაფრთხოება და წესებზე დაფუძნებული საერთაშორისო წესრიგის ტრანსფორმაცია.