ევროკავშირმა შესაძლოა უკრაინისთვის ცოტა ხნის წინ დამტკიცებული 90 მილიარდი ევროს მოცულობის სესხის მომავალ კვირას გადაიხადოს. ამის შესახებ გაფართოების საკითხებში ევროკომისარმა, მარტა კოსმა ბრიუსელში ჟურნალისტებთან საუბრისას განაცხადა, ხოლო ინფორმაციას Reuters ავრცელებს.

მისი თქმით, ევროკავშირი აქტიურად მუშაობს იმისთვის, რომ უკრაინისთვის ფინანსური დახმარების პროცესი რაც შეიძლება სწრაფად დაიწყოს.

"ვიმედოვნებ, რომ მომავალ კვირას ჩვენ შევძლებთ პირველი გადახდების განხორციელებას," — განაცხადა კოსმა.

შეგახსენებთ, ევროკომისიამ საკანონმდებლო წინადადებების პაკეტი მიიღო, რომლის მიზანი უკრაინისთვის უწყვეტი ფინანსური მხარდაჭერის უზრუნველყოფაა 2026 და 2027 წლებში. ამის შესახებ ინფორმაციას ევროკომისია ავრცელებს.

მათი ცნობით, საკანონმდებლო პაკეტი მოიცავს:

  • უკრაინისთვის დახმარების სესხის დადგენის ახალ წინადადებას (ევროპის ეკონომიკური კონვენციის 212-ე მუხლის საფუძველზე) 90 მილიარდი ევროს ოდენობით.
  • უკრაინის ფინანსური ინსტრუმენტის შესწორების ახალ წინადადებას (ევროპის ეკონომიკური კონვენციის 212-ე მუხლის საფუძველზე), როგორც უკრაინისთვის საბიუჯეტო დახმარების განხორციელების ერთ-ერთ საშუალებას.
  • მრავალწლიანი ფინანსური ჩარჩო რეგულაციის შესწორების ახალ წინადადებას (ევროპის ეკონომიკური კონვენციის 312-ე მუხლის საფუძველზე), რათა უკრაინისთვის სესხის დაფარვა ევროკავშირის ბიუჯეტის "ხელმისაწვდომი რესურსებიდან" იყოს შესაძლებელი.

დეკემბერში ევროპული საბჭო შეთანხმდა, რომ მომდევნო ორი წლის განმავლობაში უკრაინის საბიუჯეტო და სამხედრო საჭიროებებისთვის €90 მილიარდის ოდენობის გადამწყვეტი მხარდაჭერა გამოეყო. ეს შეთანხმება კიდევ ერთხელ ადასტურებს ევროკავშირის ურყევ ვალდებულებას უკრაინის მხარდაჭერის მიმართ.