კანადის პრემიერმინისტრმა, მარკ კარნიმ, ერევანში მიმდინარე ევროპული პოლიტიკური გაერთიანების სამიტზე უკრაინისთვის ახალი სამხედრო დახმარების პაკეტი დააანონსა. ოფიციალური ოტავა კიევის მხარდასაჭერად დამატებით 270 მილიონ დოლარს მიმართავს, რომელიც მოხმარდება საბრძოლო მასალების შეძენას უშუალოდ შეერთებული შტატებისგან — ინფორმაციას ამის შესახებ BNN Bloomberg ავრცელებს.

მარკ კარნი გახდა პირველი არაევროპელი ლიდერი, რომელიც ევროპული პოლიტიკური გაერთიანების სამიტზე მიიწვიეს. ექსპერტთა შეფასებით, ეს ხაზს უსვამს კანადის მზარდ როლს კონტინენტის უსაფრთხოების საკითხებში.

"კანადა ერთ სულ მოსახლეზე გათვლით უკრაინის ერთ-ერთი უმსხვილესი მხარდამჭერია. ჩვენი ფოკუსი ევროპაზე შემთხვევითი არ არის — წესებზე დაფუძნებული მსოფლიო წესრიგი სწორედ აქ უნდა აღდგეს" — განაცხადა მარკ კარნიმ.

პრემიერმინისტრი სამიტის ფარგლებში უკრაინის პრეზიდენტ ვოლოდიმირ ზელენსკის შეხვდება.